الشلات الوهابية

 

هذه الشلات من شلات الوالد   علي يوسف الشعرون

   ·    عنيت ولا ريت الفوايد                  غير الشقى والهم زايد

    يالفى عيني الولايف                     تركت اسم الزين كله

 

       ·    اسمع حنين القلب يلعي                يالخضر بالله ترحموني

   يالبيض شلني للوم عنكم               ولا لذ لي قوت ومنامي

 

   ·    شبيت ولعوزوني زماني               ما لود وفراق الصديق

    ياليت يعود الدهر لول               ويزورني لو بالسلامي

    

     ·    حي مرحبا بالضيف يانا               يا بو علي نرجي وصولك

    ليت بالقدر آلاف عندي              ولا ينحصى بالعد كله

 

   ·    هذا الذي مثله عديمي                 ولا حصليت يا خوك منه

    بشريه  انا ولو كان غالي               وبذخره طول الزماني

 

    ·    عوقي غبي وسهرت منه              عايف حياتي القوت كله

    وميهود أنا ولا تلومي                 ساكت ومكتم  اسدودي

 

   ·     الود يا خوي جفاني                   حتى السلام ما يعرضونه

     من عقب ذاك الطيب لول             وش السبب ما فاهمنه

 

    ·   اسرى عليه في منامي                     وصبحت عوقي مبتليبه

   ما عندكم اضحك ورمس               لي مستحي واللوم فيه

 

    ·     يانا الشتا والقيض قفل                 يا زين يالله بملتقاكم

     لي راحت الأيام عنى                   ما كنا في لذة وطيبة

 

    ·     هذا الهوى اعلومة  غبية              لسهيت بتجيك المصايب

     تمسي بفكر والحال ذايب             وتقول وش هاذي القضية

 

    ·     بسألكم يا ولف أول                  كيف ودكم ما طال مده

    أول سطى بالقلب وده                والعين هلت له دموعي

 

    ·    رسم المحله الزين باقي                    ماغيروه لحسود عنك

    يا قلبي شوري لك تزوره                أخطى الغضي والعفو منك

 

    ·     طبعان بالغبة مسمر                     أون أنا محد رحمني

    لا فاد خلي ولا صديقي                في حزة المعتاز فيها

 

    ·     عفت الهوى ورتاح بالي                لاحت سنين الجاهلية

     يا خل دور لك بدالي                    بتعيش في عيشة هنية

 

    ·    وش صابك يالمضنون كله               ماحيد مني شيء زله

    لا تتبع الواشي كلامه                   لمفرقين بين الثنينه

 

    ·     أصبح وأمسي هم كله                وخسرت انا في كل غالي

     متى بربح بالشريه                      والعمر كله جزريته

 

    ·    هذي السنة زادت أعواقي              ويالس وأقاسي الهم كله

    وبليت في جرح شنيعي                 والنوم ما ياني بهنية

 

    ·     قاضي الهوى موجود يحصل            با ترتفع لحكام عنده

    والحمد يوم السد يكتم                 لا بان ولاحد درابه

 

    ·     سيد الهوى مرسوم لول                كيف يالولايف تبعدونه

     دستوا الخطى ما تعلمو به             كاس لعوه وتمايلو له

 

    ·     لا تحن قلب والله عوينك             طير الوحش لازمن يهينك

     لي يرحموك ويرحبوبك               اليمنة خليه اليوم منهم

 

    ·     يكفي ما لداعي وصية                بعني وبازور المحلة

     أنا الصديق الناس كله                 مخصوص من صوب الأهالي

 

    ·     يالس وصابر بالليالي                  وسهران يا خويه عليهم

     يا زين ارحم لي يودك                 ونظر من صوبك شفيفي

 

    ·     من دمت عرق الروح               يالخضر بلعي لك نوايح

     بسري عليه سود الليالي              وللبعد ما بشكي عضيلة

 

    ·     نشري الصمع ونزيد زانه            والحرب عادات القبايل

     لي ما شرى من سخط لول         ويندم لي ساعده مماته

 

    ·     تسعين عقصي لي جدلوهم          مابيهم تكذيب مقايل

        ومن العطل بميه شروله               يالي عليه الخد سايل